Kyrkjestova Fredheim

Utleige

Kyrkjestova Fredheim kan leigast til ulike arrangement som t.d. dåp, konfirmasjon, bursdagar, møter og bibelgrupper. Sjå prislista her.

For bibelgrupper og foreiningar som ønskjer å nytte lokala, tilbyr me gratis leige. Om gruppa vil støtta Kyrkjestova, kan ei gåve eventuelt gjevast via VIPPS.

Avtale om leige vert organisert av tilsette ved Stord kyrkjekontor: Bruk dette søknadsskjemaet, eller send ein e-post til post@kyrkja-stord.no.

Leigetakarar må godkjenne bruksreglane for Kyrkjestova Fredheim. Nøkkelen kan hentast på kyrkjekontoret.

Praktisk informasjon om huset

Kyrkjestova Fredheim ligg sentralt i Hystadvegen 32, like ved Stord kyrkje. Det er god tilkomst til bygget, som har eit velutstyrt kjøkken. I møtesalen er det plass til 100 personar, medan ved oppdekking kan ein huse omlag 70 gjester.

Bli med som frivillig!

Kyrkjestova vert driven av frivillige – og her er det mange måtar du kan bidra på! Er du glad i å organisere, arrangere eller kanskje snekre og male? Eller vil du vere med å planlegge basar, eller hjelpe til med vask?

Uansett kva du likar å gjere, kan me finne noko som passar for deg! Om du har idear til aktivitetar eller vil vere med som frivillig, ta kontakt med styreleiar Dag Sele på tlf. 913 13 745.

Gje ei gåve - fast gjevar eller VIPPS

Kyrkjestova Fredheim er avhengig av gåver for å halde drifta i gang. Difor har Stord sokn oppretta ei fast givarteneste øyremerka Kyrkjestova Fredheim.

Fast gjevar
Du kan bli fast gjevar ved å sette opp ei fast betaling i nettbanken din til konto 3201.23.04578 og merke innbetalinga med «Kyrkjestova».

For å få skattefrådrag må du i tillegg fylle ut dette skjemaet og sende det til post@kyrkja-stord.no, eller levere det på kyrkjekontoret.

Enkeltgåver

Ønskjer du å gi ei enkeltgåve, kan du bruke VIPPS. Søk opp «Kyrkjestova Fredheim» eller bruk VIPPS-nummer 577160.

Organisasjonen

Kyrkjestova Fredheim er eigd av ei foreining oppretta på mandat frå soknerådet, for å stå for drift og økonomi. Lokalet vart kjøpt i 2019 for 2,1 millionar kroner, f inansiert av eit privat lån.

Sjølv om foreininga eig Kyrkjestova, er det eit nært samarbeid med Stord sokn. Dette samarbeidet er regulert i ein avtale mellom foreininga, soknet og fellesrådet.

Styret i Kyrkjestova
Styret for Kyrkjestova Fredheim vert vald på foreininga sitt årsmøte. Soknerådet har fast representasjon i styret.

Styremedlemmer i 2024:
Dag Sele (Styreleiar)
Barbro Høyland Andersen (Nestleiar)
Liv Kjersti Skartland
Noah Wibe
Anders Dahl
Grethe Lønning Grimsbø
Dag Kjetil Lægreid
Helge Haga (vara) 
John Reidar Granli (vara)

Velkommen som medlem
Kyrkjestova er medlemsbasert, og alle som støttar føremålet kan bli medlem. Medlemskontingenten er 400 kr per år.

For å melde deg inn, søk opp «Kyrkjestova Fredheim» i VIPPS eller bruk VIPPS nummer 577160, og vel «Medlemskap», eller send ein e-post til post@kyrkjestova.no.

Draumen om nytt kyrkjelydshus

Stord sokn har lenge arbeidd for eit nytt kyrkjelydshus som kan utfylle Stord kyrkje, og Kyrkjestova Fredheim er eit viktig første steg på vegen.

Målet er likevel eit større hus som både kan romma lokale for ulike møte og arrangement og for kyrkjekontor. Men dette arbeidet tek tid, og som ei mellombels løysing har kyrkja investert i Kyrkjestova Fredheim.

Gjennom deltaking og økonomisk støtte til Kyrkjestova ønskjer me å leggja eit grunnlag for arbeidet som i framtida vil vera knytt til eit nytt kyrkjelydshus, og samstundes synleggjera for kommunen og andre støttespelarar at det er engasjement i soknet for dette.

Når tida er inne for eit større kyrkjelydshus, vil Kyrkjestova vere ein god start på f inansieringa av dette prosjektet.